Legging係同女人作對產品，對腳粗啲真係唔好着，但為追上潮流，惟有繼續 keep fit。班衰同事成日用朱古力引小妹，雖然食黑朱古力冇咁肥，但苦到死，冇晒食朱古力應有嘅樂趣。
不過最近識咗瑞士籍嘅 Francesca，好鬼 fit嘅佢，叫我食吓佢自家製嘅 dark chocolate，一放入口只有好香嘅可可味，一啲都唔苦。 Francesca解釋，其實黑朱古力只要用頂級可可豆做，就唔會有苦味，加咗香草 rosemary，食完仲有回甘㖭。
Francesca用自己個名創立全人手製瑞士朱古力品牌，仲開朱古力班，內容好過癮，包括朱古力配酒、朱古力配香檳，連朱古力配邊種水都有，收費$200至$400。佢 11月仲會同旅發局合作喺美酒佳餚年開班。
佢話，香港越嚟越多人識用紅白酒配搭唔同食物，但未必識配朱古力，呢樣喺歐洲尤其瑞士好普遍。佢話酒嘅甜度，要同朱古力嘅相若，否則啲酒飲落去會有酸味；淡味朱古力如白朱古力，配輕身清香嘅酒，如甜酒 Moscato d'Asti或者 Vin Santo；烤焗杏仁朱古力，就最啱配香檳。
試朱古力同試酒一樣，由淡味白朱古力開始，最後到苦苦哋嘅黑朱古力。 Francesca話，朱古力抗抑鬱，瑞士人平均每人每年食 11.5公斤朱古力。
1.平價軍人飲料
黃榮俊翻查資料書，找到關於朱古力鮮為人知的史實，「話說在 1519年，西班牙柯泰斯將軍入侵拉丁美洲，阿茲特族建立的墨西哥帝國失陷，淪為西班牙殖民地。當時土著用一種稱為 Chocolatl的飲料招待大軍，『 Choco』指壓碎可可豆時發出的咯咯聲響，『 atl』則是水，把兩字結合便成為今日的『 Chocolate』。」最初的朱古力，把可可豆及玉米磨成粉末加水、加胡椒粉及香料冲泡來喝，味甘澀辛辣，「到 1847年，英國人 Joseph Storrs Fry用糖及可可油加入可可粉，製成柔滑塊狀食用朱古力，及後瑞士人 Daniel Peter發明把牛奶加入朱古力，出來的味道更佳，成為今日朱古力雛形。」
2.高 GI致肥
不高興吃一粒朱古力，是恩賜，不斷吃，心情好了，換來的卻是小肚腩。 Elyze身體年輕再造中心高級營養師李杏榆表示，朱古力屬「升糖指數 GI」高的食物， GI是 Glycemic Index的縮寫，是反映食物影響血糖上升速度和幅度的指標。「吃朱古力會令血糖急速升降，消化及吸收速度快，很快會有肚餓感覺，血糖急升又會導致血液中胰島素增加，令脂肪儲於腹腔，久而久之造成大肚腩。」她建議選吃無糖或代糖的黑朱古力，一日最多吃兩至三粒。
3.燥人吃得多易喉嚨痛
從中醫角度看，朱古力未至於叻到可入藥，反而是喉嚨痛的禍根。中醫師杜宇春：「好多人過年後都會喉嚨痛，全因一時間吃了過量朱古力，朱古力燥火，特別本身身體燥熱的人，突然吃得過量，火上加火，好易引發喉嚨痛、生痱滋等病徵，還是少吃為佳。」
4.減 76%機會患心血管病
時興抗氧化，人人都想 35歲仍有 25歲的美貌青春，朱古力相比蘋果，抗氧化功能更佳。黃榮俊：「製造朱古力的可可粉含 10%抗氧化物黃酮類，比相同份量的蘋果高出 1.35倍。黑朱古力含最多黃酮類，酒精朱古力及白朱古力則沒有，有研究指出，進食含高黃酮類朱古力後，可減低血管中壞膽固醇及減少血小板活動量。有科學家把它與其他有益食物如魚、蔬菜、杏仁等，組合成名為 Polymeal的餐單，認為每天吃 100克的黑朱古力，可減少 76%機會患心血管疾病。」
5.白朱古力不算朱古力
一般來說朱古力由蔗糖、可可脂肪、可可粉及奶粉製成，分黑朱古力、牛奶朱古力及白朱古力三種，黑朱古力約七成為可可粉成份，少了奶類成份，卻多糖；牛奶朱古力多奶高糖，並加入果仁、酒心及糖果等餡料；白朱古力非常多糖，內裏沒可可粉成份，只有奶及糖，根本沒催情作用，因而有人認為它稱不上朱古力。黃榮俊解釋：「一般朱古力有 40-50%是蔗糖， 20-30%是可可脂肪， 10-15%是可可粉，餘下的 10%是奶粉，非常高熱量人。」
